Anthony氹老婆唔用珠寶
模特兒Anthony日前與索模老婆Jocelyn簽約成為汪詩詩旗下藝人，將有份參演賀歲電影的Anthony自爆苦練功夫及國語，以裝備自己：「我做模特兒前都演過戲，依家日日都會練功夫同國語。（難唔難？）少少，但我學得好開心同充實，每朝瞓醒都好興奮咁問自己有咩新挑戰！」
問到密密接job的他會否「冷落」老婆Jocelyn？Anthony自言會送靚酒氹番對方：「我送過好多紅酒畀佢。（唔送珠寶？）佢覺得送珠寶唔係必要，對我嚟講真係個好消息！」談到最有意義的禮物，他大爆曾自製心意卡冧老婆：「我印晒我地啲相，寫滿love words，仲將手掌塗滿墨水印落張卡！（對方反應？）直頭hit中佢個心！」