蕭淑慎獄後重生減磅洗底
年前曾多次吸毒、最終被判刑18個月的台灣女星蕭淑慎，最近宣布加盟張栢芝經理人公司。鑑於有着磨不掉的過去，令伊人復出深感壓力，談到不良嗜好，淑慎也搖頭嘆息：「你問我點解要食，我真係唔知，就係想做就去做囉！記得當時被拉之後，打官司好浪費時間，但爸爸唔想放棄，最後我覺得好攰，所以就認罪入去看守所。」
看守所的生活令淑慎反省人生，決定勇敢承擔錯誤，踏出第一步，向大眾道歉。其後，她花了數月時間減去20多公斤肥肉，為復出之路努力，談到復出心情，她謂：「好緊張，知道唔係一句sorry就得。以前唔珍惜，令我要更加畀心機做好自己。好感激家人一直冇放棄我，出事之後冇鬧過一句，每次嚟探我都係笑住，其實我唔配做佢哋個女。父母話唔期望我做大明星，只想我平安，所以我亦冇諗過要去番以前個位置，要為自己所犯嘅錯負責，相信有心唔怕遲。」
已有8年沒有戀愛的蕭淑慎直言仍想闖情關，笑言要找一個能包容她沒有固定開工時間的男友即可。至於「師兄」顧又銘則透露喜歡年紀大的另一半，現時也有心儀對象，但即使對方也有意思，也不敢開展戀情。