薛凱琪夠獨 封三棲鐵人
多數歌手開完個唱，都會放個長假輕鬆一下，不過上月才開完紅館演唱會、身為家中獨女的薛凱琪（Fiona），為了養家、為了不辜負公司給予的機會、為了令一直以行動支持的樂迷有新鮮感，為了對得住自己的事業，開完騷只放了三日假，又展開新一輪的工作，這位歌影視三棲的鐵人是這樣煉成的。
Fiona上月舉行完紅館個唱，工作成狂的她只放了三日假，又開始投入新大碟《Tonight》的宣傳，她說：「放假有一日陪媽咪游水做spa、睇騷，之後嗰日搞關於服裝嘅事，有一日就搞碟嘅後期，所以其實放三日假係假嘅。」
雖然口裏說想放假，但骨子裏散發鐵人毅力的Fiona會把握每個機會，寧可工作排山倒海：「唔係一定有公司支持開紅館四面台，唔一定會出實物嘅碟，依家我又開到個唱，又出碟，我又拍到電影，我覺得可以歌影視三棲，係天畀我嘅禮物，所以我唔會怨辛苦，而且工作狂得嚟會確定做嘅嘢係最好。」
為養家做工作狂
除了事業，家人當然是重要一環，Fiona說：「另一個工作狂原因係因為我係獨女，要養家，我唔係諗住嫁個有錢人就唔做嘢嗰啲人，所以為咗屋企人安心我要更加努力！」
新碟中的一曲《Just you and me》是Fiona送給粉絲的禮物，由她親自作曲，她表示：「呢首係浪漫嘅R&B歌，偏型格啲，唔係流行主打歌，係送畀粉絲嘅小禮物。」
文：賈呂臣
場地：都會海逸酒店
髮型：Jo@Salon Queens Private I
化妝：Jessica Chan
服裝：D.efect
首飾：APM Monaco