山內藍拒做大懶蟲

櫻桃小丸子多年來一直陪伴大家成長，山內藍（Blue）自小睇小丸子睇到大，適逢近日小丸子巨型模型襲港，Blue亦要趁一趁熱鬧，重拾童年回憶。

唔睇唔安樂

當Blue見到小丸子時，興奮得手舞足蹈，十足大細路般，十分可愛。自言是小丸子粉絲的她，坦言看到小丸子巨型模型十分開心，Blue說：「今次呢個模型有成四米高，我見到佢咁高真係覺得好驚訝，覺得好有親切感！」

回想起在日本生活的時候，Blue表示會坐定定等睇卡通片，她說：「以前細個喺日本生活，逢星期日電視台都會播小丸子，所以有街都唔去，唔睇小丸子唔安樂，平時冇小丸子睇，我就會睇小丸子漫畫，係超級粉絲！」

讚花輪靚仔

雖然Blue是小丸子的忠實fans，不過當問到她有否覺得與小丸子性格相似時，她則嫌棄小丸子太過懶惰：「佢份人好懶，同我好唔同，不過我同佢一樣都係朝早起唔到身，但佢比我嚴重好多，不過佢都真係好可愛！（除咗小丸子仲鍾意邊個？）當然仲有花輪同學啦，佢生得咁靚仔！」

文：專案組

攝影：樊愛慈

服裝：Lily Brown