陳鈺芸新西蘭掃街肥8磅
性感武打女星陳鈺芸（JuJu）日前在新西蘭拍攝荷里活動作電影，身在異地的她自爆新書《點菜英文》再印第三版，另外，又獲書商邀「添食」：「書商叫我再寫新飲食書，所以難得依家可以借資料搜集為藉口，喺新西蘭大吃特吃！」
JuJu表示因到處品酒嘗鮮而增磅：「我一有空閒時間就同演員、工作人員去酒莊品酒！呢度都有夜市，新西蘭啲紅酒、芝士、肉類同海鮮質量好兼且新鮮！除咗食西餐，我連中餐都唔放過！我喺當地搵到拍得住香港的超好味燒味店，我仲一個人食晒兩碟雙併燒味飯！雖然我都有練功夫同做運動，但呢度好食好住，我真係肥咗八磅！」