張芷瑜力谷湯碗胸 闖Sing途
蕊蕊師妹「翻版陳茵媺」張芷瑜（Kelly），擁有34D「Big」爆身材，更跟茵媺一樣擁有「湯碗胸」。現時努力投身娛樂圈的她，曾為蕊蕊客串MV，被蕊蕊力讚前途無限！對唱歌甚有熱誠的她，揚言視G.E.M.為學習對象，望可闖出一片天！
身為今年寫真女王蕊蕊同門師妹的張芷瑜（Kelly），早前曾在世界盃熱潮中，做過無綫《低俗講波團》世波女。現時20歲的Kelly正值花樣年華，更擁有34D驕人身材，望落與幸福人妻陳茵媺，無論樣貌與身材都有幾分相似，還一樣擁有「湯碗胸」。問到她是否覺得自己與陳茵媺相似？她說：「身邊朋友都有咁講過，自己就麻麻地覺得。（想唔想似佢咁幸福？）如果有當然好啦，佢家庭同事業都咁好，不過好可惜我依家單身，大前提要搵番個男朋友。」
獲蕊蕊點名讚
而Kelly曾在由蕊蕊領軍的組合HunterZ歌曲《愛壞》中客串。原來蕊蕊亦曾大讚這個「翻版陳茵媺」，Kelly說：「蕊蕊見到我都話我好似陳茵媺，仲話我喺MV入面做得好好，我自己聽到都好開心！」問到Kelly會否朝歌手之路發展？她說：「讀書嗰陣有玩過合唱團，但無正式學唱歌。自己對唱歌跳舞都有興趣，鍾意唱啲soft嘅歌。」另外，Kelly又視鄧紫棋（G.E.M.）為目標，希望他朝與她同樣成功：「自己都鍾意佢，會成日聽佢啲歌，學吓佢嘅唱功，得閒就會去練習吓。」
Profile
姓名：張芷瑜 （Kelly）
年齡：20歲
身高：1米68
三圍：34D、24、35
文：專案組