王敏德一家三口撐護脊

藝人王敏德（Michael）與太太馬詩慧（Janet）昨日攜同兒子王躍穎（Kadin）出席護脊活動，擔任護脊大使的他們還即席分享保護脊椎的心得。Janet表示今次純粹來支持活動：「因為依家好多人有脊椎問題，個個掛住玩電腦、電話同打機，令問題嚴重化，（點教育小朋友？）真係好難教，惟有成日提住佢哋，（有冇試過收起玩具？）都試過一兩次食飯收起啲遊戲機，但咪得嗰幾次作用。」隨後又謂自己是一家五口中最少玩電話的人：「因為我唔叻用電話，（咁Michael呢？）佢通常用電話都係做嘢多。」