安志杰 心急放飯跳巴士

伍允龍、安志杰及台灣演員馮媛甄等為新片《屍城》宣傳，與安志杰私交甚篤的伍允龍大爆兄弟瘀事：「有日拍戲放飯，安志杰竟然喺巴士頂跳落地，好彩跌倒前識得卸力，如果唔係就頭落地先。」問到一身肌肉的安志杰會否考慮尋求突破接演三級片，安志杰笑答：「會，動作同爆粗都冇問題。（裸露呢？）睇錢囉……其實係考慮角色同劇本需要。（預埋伍允龍？）唔預佢。」伍允龍聞言即謂：「唔好預我。（驚有『比較』？）哈哈，講高度呀？」