鍾嘉欣打女上身 冇得做BB
無綫藝員鍾嘉欣痛失新加坡視后，決定要轉行「打女」路線，她坦言：「畀大家知我演忠又得，癲咗都得！」嘉欣更無懼撇低「BB」稱號，自己起朵做「鍾男欣」，與胡定欣大打出手！
無綫藝員鍾嘉欣昨日出席無綫新劇《飛虎II》於將軍澳電視城的宣傳活動，聯同一眾劇中演員當中包括馬德鐘、羅仲謙、胡定欣以及黃智雯等為劇集宣傳造勢，除了「飛虎隊」全副武裝上陣之外，更安排了鐵馬（電單車） 和攻擊車出巡環節，製造型爆氣氛。
又忠又癲冇問題
一直被視為視后大熱的嘉欣BB前晚雖然在新加坡落敗失威，不過她依然大方稱讚贏家佘詩曼：「阿佘係一個好好嘅對手。」其後嘉欣BB亦直認對自己有信心在香港的頒獎禮中再爭過，稱自己今年除了無綫劇集《大藥坊》中較靜態的角色之餘，即將播放的《飛虎II》中的角色是完全另一種演繹：「希望可以畀大家知我演忠又得，癲咗都得！」笑謂今次是自她入行以來最暴力的一次演出，怕會痛失「嘉欣BB」的稱號：「以後啲人唔叫我做BB，改名叫做『鍾男欣』。」
胡定欣鬥馬德鐘
而同場的定欣亦以一頭銀髮示人，提到她與嘉欣BB對打的場面時，她亦大讚打得激烈「飛埋牆」。不過定欣對於和馬德鐘的對打戲表示並不習慣：「佢做『阿哥』呢個形象實在太深入。」問她可有信心在港奪獎？她坦認希望以《點金勝手》方明瑜（卓太）一角得獎。另外同場的馬德鐘亦反口覆舌笑謂拍攝時想收工，拍完又恨再拍過似打仗：「幾時又有戰役？」
文：影視組