唐紫睿開中門 露點有得傾
杜汶澤（阿澤）、陳靜等主演新片《唐伯虎衝上雲霄》上映3日，票房錄得約200萬港元佳績，昨午，阿澤與一眾演員包括鍾采羲、文凱玲、何浩文及唐紫睿（Hazel）等出席宣傳活動開香檳慶祝。鍾采羲低胸裙示人，Hazel則以「中門大開」魚網衫吸睛。
何浩文裸出誠意
即將接拍導演王晶新片《鴨王》的何浩文與Hazel成為焦點，Hazel更謂倘若屆時攝影機未能遷就的話，自己不介意露點演出。身為「任達華接班人」的何浩文亦表示不介意正面全裸：「演員身體每部分都屬於觀眾，要向日本AV女優學習。其實愈多女拍檔愈好，會帶多啲演戲經驗畀我，據知依家起碼有3個。（介意同年紀大嘅拍？想同邊個？）魯芬BB，佢好親切又係女神。」至於拍戲期間生理反應問題，他笑說：「點都驚，有又怕畀人話，冇即係話啲拍檔冇吸引力。」Hazel聞言即答：「千祈唔好有反應，我投訴你呀。」
阿澤唔擔心票房
阿澤被問到票房成績問題，即淡然表示：「等於做生意咁，間中有贏亦有輸，大是大非冇乜所謂，我又唔係淨係拍一部戲！我喺社交網有unfriend幾位朋友，係因為智商問題，驚傳染呀，不過我亦有share黃秋生嘅言論，覺得佢寫嘢有見地，心地亦好好。」
文：影視組