莊思華拍拖5年等結婚
模特兒莊思敏胞妹莊思華於娛樂圈相當低調，比較廣為人知是跟練馬師告東尼之子告崇恩Sean的一段情，莊思華直言自己不適合娛圈：「家姐係model又做主持，妹妹依家拍劇，好多人都覺得我係最hea，其實我都唔係呢行嘅人，唔適合做娛樂圈，我冇佢哋轉數咁快，我一直幫daddy手，搞馬來西亞嘅地產發展。」
她閒時會跟男友Sean出席活動，兩人拍拖五年感情穩定，問到可有結婚計劃？她笑說：「結婚每個女仔都有諗，我哋拍咗拖五年，兩個家庭關係都OK，有時會一齊食飯，最重要係大家溝通相處到，一齊好開心，（即係幾時結婚？）我依家27歲，仲可以喺工作上努力吓先！」
莊思華除了幫父親打理生意外，亦與歌手好友劉晨芝一同經營時裝店。而對方近年更開設的酒吧，莊思華亦不時捧場，在美國出唱片的劉晨芝，因打理酒吧生意而變得聲音沙啞，坦言要休息一下才能再唱歌。
場地：Show Club