蔣怡赴英追夢 放老公作反
名模蔣怡（CoCo）早前出發赴英學習廚藝學院課程，其珠寶設計師老公翁狄森（Dickson）更陪她飛英開學，出發前二人在機場大晒恩愛，認真羨煞旁人！御夫有術的她，亦無懼老公四出拈花惹草，胸有成足地說：「佢咪去識囉！」
蔣怡與老公翁狄森去年奉子成婚，同年七月誕下女兒翁容（Uma，乳名嗡嗡），雖然忙於照顧女兒，但蔣怡仍不放棄追求夢想，在老公的鼓勵下決定遠赴英國倫敦，攻讀為期九個月的「巴黎藍帶廚藝學院課程」，她說：「未生嗡嗡前已經好想去，本身係去法國巴黎，因為意外懷孕所以暫時擱置，但老公話要以自己為重心，唔好為仔女放棄理想。」
陪住開學
上月底，記者便在機場直擊蔣怡出發飛倫敦，她除獲老公充當「柴可夫司機」親身接送到機場外，期間處理登機、搬行李等雜項均由老公包辦，而最令人羨慕是，Dickson更人肉速遞隨老婆到英國，陪伴開學，難怪蔣怡坦言被寵到無法獨立生活，要老公陪伴在側壯膽，又笑指整個旅程的使費由老公負責埋單。
向來御夫有術的蔣怡，無懼離港期間老公會「作反」，Dickson亦向愛妻即場大派定心丸：「我做珠寶設計，身邊認識全部都係女仔，得一個男朋友，就算畀人影到，我都係同女性朋友一齊。（捨得老婆出走？）佢之前去台灣都去咗4年半。」
離捨女兒
當談到要與女兒分開數月，蔣怡強忍淚水指：「佢其實呢個星期都好唔捨得，呢排好似樹熊咁攬住我。（特別係你出發前？）一路到拎行李出去，佢開始周圍望，覺得屋企個個都走來走去，見到我哋着晒靚衫要去街，好想跟埋一齊。（邊個負責湊囡囡？）老公負責湊，仲有屋企姐姐（女傭）幫手。」另蔣怡更大爆女兒已學識說牙牙語。
及後，二人雙雙步入登機閘口，準備出發到倫敦，蔣怡拿起女兒照片親吻數次，隔空一訴思念之情。
文：名人組