Heidi跑出Aka冇眼紅

組合Super Girls的五位成員工作不斷，卻參加了上月底舉行的10公里馬拉松比賽，並為此早於五月開始，每星期最少花兩個小時練跑，她們坦言這非易事：「其實上年我哋有參加3公里嘅比賽，今次就當挑戰一下自己，試下set一個目標，然後嘗試跟住練習，希望到時可以輕易完成。」

跑步有快有慢，正如Super Girls裏面五位成員走紅的速度亦不會齊步。今年一套電視劇《女人俱樂部》讓有份演出的Cheronna和Heidi成功彈出，其他成員不但沒有眼紅，反而與有榮焉，Cheronna更指：「 《女人俱樂部》 出咗之後，我覺得係有多咗人認識Super Girls！」其他成員聽完Cheronna的一番話後大呼感動之餘，更坦言了解到電視劇的威力：「大家依家都好希望日後可以多啲參與電視劇嘅演出，等更多嘅人可以認識我哋！」

（左起）：Jessica、Aka、Heidi、Cheronna、Yanny Super Girls參加馬拉松挑戰自己，保持恒常練習。

Aka表示善意或惡意批評都會照單全收，心態最重要。

批評照單全收

五個女孩可以一起工作也許是一件幸福的事，但面對的流言蜚語和壓力亦有可能比其他歌手明星多，所以Aka認為心態好重要：「我哋知道自己有好多進步空間，所以唔會介意善意或惡意批評，只要對我哋好嘅都會接受。如果啲批評係假嘅，可能就會得啖笑囉！」糾正錯處、調整心態和不懈的努力，相信Super Girls一定可以跑更遠。

文：專案組

攝：張福宏

服裝：New Balance