鄧健泓二世祖開竅

由英皇娛樂主辦的大型原創舞台劇《杜老誌》剛完成了七月的10場以及九月的16場公演，由於反應熱烈，明年一月將再演15場，總場數多達41場！戲中除了影壇「兩王一后」謝君豪、梁家輝以及劉嘉玲的精湛演出外，一班綠葉都相當亮眼，尤其飾演二世祖「蕭公子」一角的鄧健泓（Patrick）的表現，更為觀眾送上驚喜！

原來Patrick事前為角色做了不少功課：「演之前會做人物小傳，設定個角色喜惡、有乜嘢朋友、教育背景等，之後臨場再聽導演毛sir（毛俊輝）嘅指導，佢真係一位殿堂級老師，令我學到好多嘢，而成個過程其實都不停咁去搵，希望做到最好，所以九月第二個round已經有啲改動，出年一月亦會繼續改進，希望令角色更加立體。」

劉嘉玲於舞台劇中發揮精湛演技。

有兩大影帝謝君豪（左）及梁家輝（右）傍住，鄧健泓直言獲益良多。

資深前輩鼓勵

面對多位資深前輩，Patrick坦言沒半點怯場，反而他們的鼓勵、支持與教導，令他獲益良多：「君豪哥仲袋錢入我袋，會喺休息時教我點樣去講對白，會更加之好，而家輝哥（梁家輝）就好nice，開場前會同每位演員講good show；至於嘉玲姐，我有一次好深刻，因為接演初期，我有一段時間幾迷惘，但有一日突然開竅，做到個角色，排完之後，嘉玲姐同我講『好好，好到不得了！』如果當時有攝影機就好，我可以成世記得呢個moment，呢七個字，真係畀我好大鼓舞，好開心！」

文：影視組

場地：演藝學院