無綫熱播劇《使徒行者》今晚大結局，無綫分別拍攝完美及遺憾版本，由觀眾投票揀選其一，且看有份拍攝的藝人希望選哪個結局！
高海寧：「希望有遺憾結局啦！完美就大家都想，但好似預期之內咁，但係遺憾就會印象深刻好多！」
沈震軒：「遺憾啦，我自己唔鍾意完美結局，鍾意有遺憾美！」
陳倩揚：「遺憾，可以令大家想像空間大啲。照劇情落去應該係悲劇，唔係完美結局。」
江美儀：「我就想完美啦！我個角色已經好慘喇，有個完美結局可以令Katie（角色名）以後日子好啲。」
梁靖琪：「完美啦，一個故事有完美結局大家都開心！」
