徐子珊抦「小三」 彈bra帶扯假髮
徐子珊在無綫新劇中遇上老公「偷食」，更與「小三」張名雅大打出手，彈名雅bra帶和扯甩其假髮。不過子珊表示若現實中遇上第三者，她會做「鵪鶉」，更坦言：「男人有第二個，爭嚟都冇用。」
藝員徐子珊、馬德鐘、張名雅、朱千雪和江美儀等昨日到將軍澳電視城為無綫喜劇《以和為貴》拜神，劇中扮演調解員的子珊笑言沒想過劇中有連場打戲，她笑說：「之前同『小三』張名雅拍打戲要質佢個頭，自己都整到膝頭損晒；又要用高踭鞋扑馬德鐘整到佢隻手瘀晒，之後仲有場同朱千雪大打出手嘅戲，套劇好多誇張搞笑打戲。」
現實做鵪鶉
不過，子珊透露現實中未遇過「小三」，也不希望遇到，若碰上「小三」會否大打出手？子珊說：「唔會，現實中我一定好鵪鶉，男人有第二個，爭嚟都冇用。」講到陳敏之神秘到峇里結婚，子珊說：「啱啱聽到呢個消息，佢哋好似拍咗拖十年，可能想保留私隱，遲啲補番結婚禮物畀佢。」
劇中飾演「小三」的張名雅透露劇中角色「十三點」，較容易掌握，她說：「之前同子珊拍咗場打戲，要畀佢扯甩假髮，仲畀佢彈bra帶。」
馬德鐘與子珊由歡喜冤家到英雄救美擦出愛火，但還未知道有沒有咀戲，他說：「對上一次同子珊拍咀戲反而係古裝劇《洪武三十二》，嗰陣仲黐晒鬚添。」
採訪：影視組