家輝批中翻撻王菲 霆鋒：叻過麥玲玲
鋒菲世紀復合，全城都爭住八卦，原來張家輝早在去年王菲離婚時，已批謝霆鋒與阿菲會舊情「復發」，最後果然預言成真，令霆鋒不得不大讚「神算輝」：「叻過麥玲玲！」
影帝張家輝昨日出席伯爵錶活動，他透露正為新戲睇劇本，將與謝霆鋒再合作。對於最近鋒菲復合，引起全城關注，身為霆鋒好友的家輝也不例外，問可有關心霆鋒的感情生活？他笑說：「佢舊情『復發』嘛，我覺得用『復發』好啲，替佢開心，兩個人經歷咁多再走番埋一齊。我同佢講我一早知佢舊情『復發』，佢話『知你叻啦，叻過麥玲玲（堪輿學家）！』」
想拍搞笑鬼片
原來去年阿菲與李亞鵬離婚時，家輝曾幽霆鋒一默，預言鋒菲會愛火重燃，家輝說：「當時我同霆鋒講『你掂啦！』佢話唔好講啲衰嘢，依家啲衰嘢實現咗啦！（見佢嘴角含春？）佢咁Chok實會啦。」家輝續說有意再執導，最近四出找編劇傾劇本，目標是拍有搞笑元素的鬼片。
而霆鋒日前返港工作後，昨早約11時現身機場到北京會阿菲，Chok爆現身的他戴白色帽及耳筒，不時伸手插袋，問他去哪裏？他只說：「唔知呀。」對於有關阿菲的問題，霆鋒一概沒回應並匆匆入閘，排隊輪候時有旅客要求他合照，霆鋒以普通話表示入閘後再影，然後對眾記者揮手道別。
五分鐘後，劉嘉玲與鄧永鏘胞妹鄧霓儀齊現身，嘉玲透露會到北京，問可會探好友阿菲？她說：「睇吓時間先。」提到霆鋒剛入閘上京，她則未有回應。
張栢芝戴鑽戒
另外，霆鋒前妻張栢芝日前從日本返港，有指當時她左手無名指戴着一隻大鑽戒，據悉是其現任男友、內地著名年輕作家張一一所送。
文：音樂組