周曉彤talk得冧老外

鬼妹仔性格的組合MVG成員周曉彤(Ivy)曾與多位外籍男拍拖,雖然感情最終未有開花結果,卻意外學識德文、法文及日文等多國語言,性格獨立的她更暗踩港男太聽話太黐身!

組合MVG成員周曉彤(Ivy)甚有語言天分,並靠自修學識英文及普通話,曾與外國男士拍拖的她更因此學識德文、法文及日文!Ivy自爆初戀男友為德國人,更曾「嫁雞隨雞」跟對方到日本生活:「我嘅初戀係個德國人,嗰時一放假就會飛去德國搵佢,因為佢媽咪完全唔識英文,為咗同佢溝通我就自學德文。加上我嗰時又跟埋男友去日本公幹,所以順便學埋日文。」除了德國男,Ivy又曾與法國男士拍拖,加上曾於法國及瑞士生活過,故亦操流利法語。

AA制冇問題

擁有44吋長腿的Ivy雖然身形高挑,但她直言絕非只愛「老外」:「其實唔一定揀外國人做男友,只係我唔鍾意香港男仔太聽女友話,例如佢哋會幫女友拎手袋,同埋我覺得佢哋比較黐身。其實我鍾意啲獨立又成熟嘅男仔,就算出街食飯AA制都冇問題,只係有呢啲性格嘅多數係外國人。」

Profile

姓名:周曉彤(Ivy)

年齡:27歲

身高:1米75

三圍:32C、23.5、35

文:專案組