關禮傑捱撞噴血 秋生讚堅

黃秋生、關禮傑等無綫新劇《梟雄》演員，近日移師上海取景，拍攝得如火如荼，日前拍攝一場講述關禮傑遭車撞至飛彈數米，吐血倒地的鏡頭，關禮傑親身上陣吊威吔演出，獲秋生大讚身手不凡：「關禮傑真係堅！佢自己上陣吊威吔，話晒都幾廿歲人，飛咗成十幾個take都面不改容，身手真係好，等我返去都練吓先！」

安排有改善

拍《梟》劇一度罷拍的秋生，指拍攝進度順利，還大讚無綫安排有改善，問他可存在溝通問題？他說：「小問題梗有，心平氣和去解決囉，好似之前有個景搵廿分鐘都搵唔到，打電話問又冇人聽，第日我反映番，之後收咗七張地圖，多到要派畀人！我冇嘢喎，又唔係嚟搞事，之前要求嗰啲基本條件都解決咗，望拍攝順利，如期10月底走。」

黃秋生

上妝 關禮傑

無綫高層曾勵珍北上探班，問秋生是否專誠探班安撫他？秋生說：「係有高層上嚟，但我拍到『令令冧冧』，都唔得閒理。出外景人手唔夠，問題梗有，嘈嚟冇用，自己搞清楚啲囉，扯火都冇用。我反而見監製（王心慰）好大壓力，個樣好似話梅咁，我都冇計，幫佢唔到，希望佢放鬆啲啦！」

吊威吔	飛到碌地	高層曾麗珍（左）到上海探班打氣。

此外，陳煒與湯鎮業日前拍攝結婚戲，獲高層曾勵珍及馬海倫探班，陳煒穿上復古婚紗，與戴假髮上陣的阿湯在上海街頭乘坐古董車進行拍攝，甚有懷舊風。

文：影視組