高Ling臥底唔開估吊發哥癮！
無綫劇集《使徒行者》近期受到觀眾追捧，最近與周潤發拍攝電影的高海寧透露原來發哥也是捧場客，還向她八卦誰是最後一個臥底，高海寧則大賣關子沒有劇透引發哥捧場。監製文偉鴻透露劇集有隱藏結局，由觀眾投票決定佘詩曼與林峯的命運。
藝員苗僑偉（三哥）、高海寧（高Ling）、江美儀、陳敏之、梁烈唯等前晚到尖沙咀飯局欣賞劇集播出。最近與周潤發合作拍攝電影《賭城風雲2》的高Ling，在《使》劇中演黑幫大家姐終於出場，她笑說：「發哥都有睇《使徒行者》，問我幾時出場，同埋邊個先係臥底，又問我係咪臥底，晶哥就讚阿佘演得好放，大家都熱烈討論緊，好想自己快啲出場，我都有叫發哥要捧我場。」發哥捧場會否有壓力﹖她說：「唔會，發哥好好人，開工時會好清晰咁教我哋啲新人做戲，等我哋唔會咁緊張。」
三哥唔贊成裁員
《使》劇集進入白熱化上周收視錄得平均29點佳績，監製文偉鴻透露劇集有隱藏結局，最後一星期由觀眾投票選擇播出哪個結局，佘詩曼與林峯的命運將操縱在觀眾手中，文偉鴻說：「一個結局係遺憾，一個就係完美嘅，等觀眾揀。」文偉鴻指是否開前傳或續集要看公司決定。
三哥對於收視理想感安慰，因劇集受到多個公眾假期影響：「近幾年都好少出街畀人圍，追問邊個先係臥底，我當然唔講啦。」講到無綫裁員，三哥則說：「我唔支持裁員，公司年年賺幾億，可以共患難，點解唔可以共富貴呢？製作資源都要增加，TVB都要提升質素。」
文：影視組