蔡穎恩：佢係真正慳妹！

與Anjaylia同是八模出身的蔡穎恩（Evelyn）得知好姊妹買車後，大讚她向來是個慳妹，並且理財有道，她說：「其實我由啱啱入行識佢到依家，佢係一個真正慳妹，好似如果放工唔趕時間佢都係搭地鐵，所以佢儲到錢買車一啲都唔出奇，而且60幾萬唔係好貴，可以分期o架嘛！（佢有冇同你講過要買車？）有講過，佢成日都想星期六、日有架車可以揸吓兜吓風。（覺唔覺得佢突然富貴？）唔覺得，佢慳到錢唔出奇，佢都好少畀人影到出入名店，（係咪因為有富貴男友？）唔關事，以我所知佢哋經濟好獨立，有時佢會同我講特登請男友食飯，大家唔好淨係睇表面啦！」