M Club姊妹發聲力撐 糖妹：係真就好喇！
Anjaylia憑《女人俱樂部》（《M Club》）成功彈出，戲外亦和糖妹（黃山怡）、王敏奕（Venus）、賴慰玲等組成七姊妹花，不過她似乎未有和好姊妹透露買車一事，但身在澳洲工作的糖妹就非常支持對方：「唔知佢買車喎，係真就好喇！多個人車大家，正啊！我自己雖然係學車代言人，但一直未有時間學。」她直認此劇令她財源滾滾：「除咗M Club，今年會以創作人身份出發，都叫做雙重豬籠入水o架，希望過個肥年啦！」
賴慰玲爆好友戀事
同樣是新牌仔的賴慰玲就笑言：「我哋大家都係新手，邊個揸邊個坐都係咁緊張o架喇。」雖然她未知Anjaylia買車一事，但就大爆有愛情滋潤的Anjaylia跟劇中「愛戀沒經驗」的小詩一樣：「佢成日傻吓傻吓囉，有人錫嘛！」與曾志偉兒子曾國祥蜜運中的Venus則說：「看到身邊任何一位朋友過得幸福快樂，都會感到開心！」
