馬德鐘、李思捷、翟威廉及潘志文等昨於數碼港，拍攝無綫劇集《以和為貴》的示威戲份。飾演工人的威廉與近百位臨時演員圍堵思捷及志文所乘坐的房車。期間威廉怒極以磚頭砸碎車窗，使車內的思捷慘被迎面「爆玻璃」！
大晒手臂紋身的馬德鐘受訪時自爆日日捱夜：「過返啲瞓得三個鐘嘅日子，捱咗兩、三日就喉嚨痛。」談到黃秋生早前拍無綫劇《梟雄》爆罷拍風波，曾與對方合作的馬德鐘指要先談好細節：「好多嘢拍之前要傾好，除非（條件）答應咗有，但最後冇啦，咁就要嘈。之前要傾清楚去保障自己！」
