祖兒網購天后買遍全球
百變天后容祖兒最愛上網掃貨，因為覺得夠方便，足不出戶已可以搜羅全世界貨物。已經有10多年網上購物經驗的祖兒絕對是達人級數，不過想當年她就試過「等到瘡兒也謝了」才收到美國越洋空運過來的美容機！
容祖兒代言產品無數，最近她為DBS信用卡做代言人，並拍攝最新一輯廣告宣傳照，她換上多個造型示人，一時走甜美風、一時化身女強人裝、轉眼又變得高貴嫵媚。身為百變天后，祖兒平日除了熱愛唱歌及演戲，當然要買買買才能搜羅最新、最潮、最特別的衫褲鞋襪來打造不同造型出席不同場合。
作為明星，要親自行街掃貨似乎不太方便，網上購物正合祖兒心意，她拍廣告時亦乘機分享網購心得：「作為一個已經有10幾年經驗嘅資深網購人，我每個月最少網購三、四次，唔止買衫，我連嘢食都會買！依家信用卡仲可以幫我好精明咁網購，安排好國際轉運，非常方便，又貼心又放心。」
購美容機蝦碌
已是網購達人的祖兒當然講得輕鬆，不過多年前她初學網購時，就不時出現蝦碌事，她笑言：「記得有一次塊面生咗一粒大暗瘡，咁我哋做藝人點可以有痘痘，嗰時阿嬌（鍾欣潼）就教我喺一個美國網站，買一部新出，專醫暗瘡嘅美容機，因為當時美國網站郵寄只可以寄去美國本土，所以我就諗盡辦法搵美國朋友借地址畀我代收，然後再寄嚟香港給我。最後收到部機時真係好興奮，只不過粒暗瘡已經謝咗喇！」
文：音樂組