網晒揸車相 G.E.M.死撐冇違法

歌手鄧紫棋（G.E.M.）前晚出席無綫節目《星光熠熠耀保良》，早前網晒揸車相、疑駕駛時違法用電話的她，直言在運輸署網頁翻查新法例，稱車輛行駛時使用手機才算違法：「叫佢哋上運輸署睇吓規條先啦。（避免Post呢啲相再惹麻煩？）我唔會為佢哋唔做正常嘢，坐喺車上影相有乜問題？我有扣安全帶、車又冇開緊，淨係坐喺司機位影相，根本一啲問題都冇，大驚小怪。」不過，有律師指未熄匙用電話隨時違法，G.E.M.即死撐：「運輸署冇講，眼鏡倒影見到我泊埋邊、車冇開緊。（第一次影相有冇熄匙？）冇，邊有人紅燈熄匙，但咁唔會犯法，新法例只適合行駛時。」