千嬅挺霍汶希護霆鋒
對於鋒菲翻撻，楊千嬅前晚出席活動時指娛樂圈「冇嘢係冇可能」，只要當事人開心便可。提到霆鋒經理人霍汶希斥責偷拍行為，有指等同默認鋒菲復合，千嬅說：「佢經理人可能緊張保護自己藝人啫。（睇好兩人結婚？）唔評論，大家同行都明白，咁大個人最緊要自己開心。」
同場的霆鋒好友梁漢文被問到霆鋒是否將戀情收得很密？他說：「唔知，我好耐冇見霆鋒，對上一次都幾個月前。（發現佢心情好？）冇乜異樣。（突然忙咗少見？）我哋一向唔係成日見，大家成日唔同地方做嘢。」問是否盼鋒菲復合？梁漢文避忌道：「唔敢講想唔想，點都好，好好享受啦。（傳張栢芝激到入院？）我唔知。（麥玲玲批鋒菲2016年結婚？）我想知麥玲玲批我乜嘢。（睇好兩個結婚？）如果佢哋啱啱一齊，唔好講咁遠住啦。」
