姜文杰與姜麗文在內地參賽，謝霆鋒錄短片力撐，全因大家識於微時，姜文杰更笑言霆鋒小時候已又型又Chok，姜文杰表示：「記得我十二歲嗰年，同霆鋒喺溫哥華跟一大班親朋戚友食飯，當時我好肥，食食下飯，突然有股臭屁味，大家就會覺得係我呢個肥仔放，但我冇囉，當時覺得好委屈，但唔知係咪真係霆鋒放定佢想幫我解圍啦，佢好chok咁同大家講：『我放㗎，咁點吖！』嘩！真係好型！」
姜文杰爆得霆鋒小秘密，當然也要「找數」說一個，他直言自己有人群恐懼症，曾試過在旺角中心突然「病發」，跑入洗手間爆喊，幸近年情況已好轉。
