連詩雅撐車仔贏曼城
歌手連詩雅（Shiga）屬圈中少數的女球迷，昨日更以一身球衣打扮到尖沙咀和銅鑼灣派發《東方報業集團》製作的英超海報，吸引眾多途人圍觀，無論男女老幼、香港市民還是外地旅客均爭相攞海報。至於今日上演的車路士對曼城，身為車仔球迷的Shiga一於撐愛隊，還預計車路士贏四比一！
連詩雅昨午以一身足球員造型，連同球壇名宿山度士、球評家黃興桂及兩名現役流浪球員夏志明和高承殷，齊齊現身尖沙咀天星碼頭和銅鑼灣行人專用區，派發由《東方報業集團》製作的英超海報。以全副英超勁旅車路士球衣亮相的Shiga甫現身，即吸引大批市民和遊客圍觀爭相拍照，場面墟冚。眾人落力向市民派發海報，更有不少外籍遊客、粉絲和小朋友要求跟Shiga合照，甚受歡迎。
Shiga透露自己是標準球迷，除非要工作否則會盡量收看直播，她說：「我鍾意同朋友一齊睇，氣氛好啲，但有時如果場波太夜就會自己一個起身睇。」向來是車路士忠實粉絲的她，提到愛隊即眉飛色舞地說：「我最鍾意今季新加盟嘅費比加斯同迪亞高哥斯達。」她笑稱前者夠靚仔，後者則入球能力強：「佢哋仲好大隻。」不過Shiga稱自己揀男友未必會揀肌肉型，首要是喜歡運動和睇波。
糖妹捧曼城
談到愛隊車路士今日（21號）將會在英超作客挑戰上屆盟主曼城，面對同樣球星如雲的曼城，Shiga對愛隊信心十足：「我下晝做完嘢就會即刻衝返屋企等開波，要即時見證車路士贏波，我估比數係四比一車路士大勝。」同樣關心車路士的吳若希則預計愛隊會二比一勝出，反而糖妹跟Shiga和吳若希大唱反調：「雖然我要去澳洲做嘢，但都會買定嘢食同朋友一齊睇，我鍾意曼城嘅阿古路，佢靚仔又好波，我估曼城贏一比零。」
文：音樂組