黎芷珊一早睇好
黎芷珊曾在2012年無綫節目《最佳男主角》中訪問謝霆鋒，當時霆鋒稱王菲是他所愛之餘，更指女方天后地位未影響過雙方關係，而芷珊更直指當時認為鋒菲最終能開花結果，而昨日就傳出鋒菲復合。
芷珊一語言中，她昨受訪時謂：「梗係好！大家都單身，而且霆鋒都dry咗好耐。印象中喺訪問度佢都有提到王菲係佢愛嘅女人，所以時至今日，佢哋復合我哋都等咗好耐。」芷珊更指兩人相識多時，清楚對方習性，毋須再摸底細，可謂再撻即着。問芷珊是否認為「鋒菲戀」能修成正果步入婚姻？她直言：「唔出奇！」似乎非常睇好二人戀情。