Leohart o靚界band霸

成立三年的樂隊Leohart走英倫風格，起初是由主音張明偉（Aaryn）及結他手黃嘉麟（Kalun）組成，其後吸引志同道合的鼓手林鋌軒（Hin）和低音結他手李兆偉（AJ）加入。擁獅子雄心的Leohart四子，去年更勇奪香港青年樂隊大賽冠軍，大壯聲勢！而作品曲詞全由四子一手包辦，主音Aaryn說：「多數詞都係我負責，曲就一齊作，我哋啲歌都係英文，而曲風都會偏英倫。」問到會否迎合大眾而推出中文歌？他笑言：「未定，要有一首啱做中文歌嘅曲先得，藝術係唔可以妥協嘅！」

為興趣食少餐飯

四子近期正為以雙面人為題的新歌拍攝MV，鼓手Hin說：「呢個世界有好多雙面人。」Aaryn就大爆MV內容：「Dancers全部都係蒙面，我哋幾個就會化誇張嘅妝。」屆時眾人更會處男下海跳舞演出。

跟很多本地樂隊一樣，平均年齡23、24歲的Leohart四子各有正職，分別為藝人、職業治療師、Freelancer及學生。Aaryn說：「其實我哋暫時製作都係自己出錢，好彩有好多朋友幫我哋！有一個平時幫我哋接Job、執頭執尾！就係Dolly！」仍然在學的Hin笑言要「食少餐飯」為夾Band！

文：專案組

攝：吳文聰