爆紅Rocky拒單飛

（左起）低音結他手Sai Lo、鼓手Gould、主音Rocky、主持俞詠文、結他手Man Man與An Boy在訪問期間談個不停。

香港樂隊KillerSoap主音陳樂基（Rocky）早前參加內地節目《中國好聲音》，憑獻唱李克勤的《月半小夜曲》大騷唱功而彈出，更帶挈其樂隊一同走紅，日前KillerSoap接受《東網》《娛樂onShow》的訪問，向主持人俞詠文（Angela）澄清單飛的傳聞，Rocky更向成員大派定心丸！KillerSoap早於11年前成軍，五位成員的友誼更非常深厚。雖然他們曾以樂隊名義參加另一內地節目《中國達人秀》，但主音Rocky今年卻以個人身份參加節目，莫非想撇甩隊友單飛？Rocky對此否認：「其實唔係刻意一個人參賽，我有問過可唔可以成隊band參加，但製作單位唔畀。」

• 五子成軍11年，用長時間培養出難以取代的默契。

日見夜見 靠感覺演出

Rocky以往多與其他成員一同出騷，但今次參賽卻只得自己一個，雖然未至於會失落，但他亦坦言與KillerSoap的默契無可取替：「最主要係唔會咁放心，雖然佢哋（節目）隊band好勁，但我唔係成日同佢哋一齊夾，有時我忽然間想咁，佢哋係唔會知，譬如忽然間呢度我想漸慢、呢度我想收一收先再放落去，我哋之間就唔使講㗎喇，因為佢哋feel到，我有少少動靜佢哋都會feel到，但係同佢哋就真係要對住練。」想知道KillerSoap成軍多年來，成員間有否爭執？就要密切留意《娛樂onShow》！

文：專案組