彭家麗出碟反應好 多得朱主席

重回樂壇的彭家麗（Angela）退居幕後多年，一直擔任唱歌老師，事隔十幾年Angela與朱主席（朱壽仁）合唱表演的《從不喜歡孤單一個》，引起全城熱話，Angela直言：「我見到網上好多評論都讚我專業，有啲人仲將事件套到工作上，當遇到唔想合作嘅人都要頂硬上，其實覺得好開心好似為返工辛苦嘅人做咗件事咁。」她表示希望大家遇到不可愛的人都會盡本分去做。

入綠音室唔習慣

而Angela又講到事件的另一個得着，是讓她今年出Hi-fi唱片時多了人留意，平日在上網看留言都覺得反應不錯，講到近年復古興出黑膠碟，Angela就對此沒太大野心：「我好幸福，以前都有擁有過自己嘅黑膠碟，出道至今黑膠、Cassette帶、CD，到依家出Hi-fi碟，所有格式都經歷過。」而經過19年空白期後，Angela坦言最困難是要適應錄音室：「唱歌唔生疏，因為一直都有教唱歌，但到錄音室反而要適應下。」　　

彭家麗與朱主席合唱《從不喜歡孤單一個》，引起全城熱話。

除兼任唱歌老師，彭家麗近年更獲邀請作評判。

獲邀任歌唱評判

Angela除兼任唱歌老師，近年更有人邀請她作評判，談及現在中港台三地的歌唱比賽興盛，Angela就大讚歌唱比賽能給予參賽者一個好好的平台：「參加比賽可以擴闊眼光，我都係比賽出身，當時有中日韓等嘅參賽者，透過交流可以認識唔同地方文化，而且平時出唱片未必100%搵到啱嘅歌，但演繹機會多咗嘅話，就會聽到平時聽唔到嘅嘢。」

文：音樂組

攝：吳文聰

化妝：Jessica chan@make-up workshop

髮型：roy@private I

服裝：Novelty Lane