名模周汶錡昨出席護膚品牌活動，獲大會安排小女孩送紀念品及香吻，令她即時母愛氾濫，更揚言恨生女：「我好鍾意女仔，但仔女都冇所謂，不過女仔可以幫佢扮靚，帶出帶入去廁所都方便。（老公冇話想生仔？）佢都想要女，仲問可唔可以生兩個女。」周汶錡坦言，未有向任何人請教生B的秘訣，但已積極調理身體，開行Turbo造人。
