陳豪賣力湊B 放縱做肥爸
無綫藝人陳豪、歌手林德信、名模Rosemary及莊思敏等前晚出席時裝品牌Ted Baker活動，陳豪為時裝騷打頭陣及壓軸行騷，他表示很久沒行騷，問酬勞是否開心價？他說：「OK啦，係開心，我唔係好睇價錢。（刻意減肥？）少少成果，努力中，食嘢分量要輕啲。（太太陳茵媺成日煮消夜畀你？）唔係，開頭湊BB唔慣，依家適應咗，放縱吓自己！」
談到無綫資深藝人關菁因心臟病逝世，陳豪感可惜：「佢對人好好，我哋合作好多，但我唔知道，好愕然。」至於黃浩然患「貝賽特氏症」令喉嚨發炎潰瘍，陳豪已託朋友問候他，並呼籲大家注意健康飲食。
楊洛婷晒恩愛
同場睇騷的楊洛婷罕有與男友、樂隊Dear Jane主音Tim一同現身，她說：「啱啱有朋友同我講覺得Tim好靚仔，我話佢係我男友。」問兩人何時拉埋天窗？兩人互望，Tim笑言標晒汗：「到時會同大家講。」楊洛婷踢爆Tim在她選港姐時已迷戀她：「佢睇電視見到我已經好鍾意我，之後想盡辦法識我，最後喺無綫識到。」
而林德信（Alex）表示最近與友人合作拍瑜伽生活節目：「我負責製作，依家拍緊，將會搵地方播出。」
文：名人組