Janice Man自信做Paco新愛將
文詠珊、Janice Man、模Art，相信是大眾對她認知的詞語。過去5年在黎明公司旗下，Janice Man自認基於重質不重量的工作模式，大家對她的角色定位較模糊。轉投黃柏高懷抱，她坦言不怕和Paco兩名愛將薛凱琪和鄧麗欣鬥過，更信心十足稱不怕貨比貨。
今年Janice Man（JM）25歲，入行十年，自覺是時候再踏出新一步，結束與舊公司的5年情，轉投黃柏高（Paco）的太陽娛樂，她說：「其實呢個轉捩點對我嚟講都幾重大，除咗想試吓同新嘅人合作，都覺得25歲係時候去create一啲新嘅嘢出嚟。所以有呢個諗法，同太陽合作外，自己又搞咗個workshop。」
提到盛大的加盟儀式、隧道口的特大海報，以及一連串宣傳活動，似乎替JM營造了一種蓄勢待發、要急起直追的感覺，但JM卻不同意：「好多人問我同樣問題，覺得我呢5年慢咗落嚟，其實我唔認為係浪費咗5年，可能步伐係慢啲，但我尊重每間合作公司。向來我都好有自己諗法，好開心今次公司畀咗好大自由空間我，由形象、海報、甚至字型顏色、廣告落喺邊、發布會做成點，全部嘢自己參與晒，所以成功感好大。」
不怕比較
不過近年太陽娛樂不斷招兵買馬，薛凱琪和鄧麗欣均為Paco愛將，表明想在影壇大展拳腳的她不怕要和兩人搶資源嗎？JM笑稱：「去到邊間公司都有其他人㗎啦，如果間公司冇人就死。無論邊行都有競爭，最緊要係自己點睇，我對自己有信心，每人特質唔同，冇得同人比較。」
文：賈呂臣
場地：Mic Kitchen
服裝：Dolce & Gabbana(裙)/Jimmy Choo(鞋)
髮型：Matt Chiu@Xenter
化妝：Vinci Tsang@VCW makeup