黃建東扮羅文挑戰難度

無綫藝人黃建東（Derek）早前膽粗粗亮相《Sunday扮嘢王》，更選了一位家喻戶曉的人物來模仿，他說：「之前我做舞台劇同拍《瘋狂歷史補習社》都試過扮女人、阿伯同BB，我都希望畀大家認識到我搞笑嘅一面。所以當我一睇到公司招募同事們參加扮嘢比賽，我即刻第一時間報名，我仲揀咗扮羅文，但我身高同身形完全唔似，可以話係挑戰難度。不過羅文嘅唱腔同台風都好有個人特色，又真係幾好扮，但我都睇咗過百條羅文嘅演出片段，我有信心捕捉到羅文嘅神髓，慶幸最後家燕姐（薛家燕）同王祖藍都爭相邀請我加入佢哋個組，再辛苦嘅付出都係值得嘅。」