陳凱琳久守必失 初吻難保
去屆港姐冠軍陳凱琳正忙於拍攝無綫新劇的外景，她笑謂螢幕初吻「仲喺度」，不過已有心理準備隨時為劇集獻出，可謂為藝術犧牲。
藝人陳凱琳（Grace）、劉佩玥（Moon）、張繼聰及黃智賢等昨日於黃埔為新劇《四個女仔三個Bar》拍攝外景，劇情講述大律師黃智賢帶領徒弟張繼聰及陳凱琳等到酒店開會。陳凱琳在劇中飾演見習律師，與張繼聰有感情線不過沒有親熱鏡頭，笑謂「保得住螢幕初吻」。至於想將「初吻」獻給誰？她則轉移話題說：「同好多前輩合作都好開心，好似邵美琪咁，下套劇《張保仔》都同佢合作！」不過她又表示只要劇情有需要，也不介意獻吻，已有心理準備。至於《張保仔》則會遠赴無錫及橫店拍攝外景。
不信蔡思貝緋聞
早前《好報》踢爆蔡思貝借拍劇姣溝羅仲謙，連拍畢自己的戲份後也要等謙仔收工齊齊食消夜，同屆港姐Grace喺聽畢就謂：「唔會啦，多人拍劇當然熟落咗，我相信佢都唔會擺係心度。」Moon亦指報道搞笑：「其實我都試過喎，拍劇辛苦，最開心就係放消夜時大家一齊去食嘢，有時我都會等埋隔籬廠收工一齊食。」二人均認為蔡思貝為人活潑開朗，可能因而令人誤會。
張繼聰拍畢《四》劇後年尾才再開劇，早前忙於拍劇的他沒時間陪囝囝過暑假，大爆囝囝不捨他離家開工：「佢掹住我隻腳話唔捨得我，有時返去陪佢食飯佢就會問：『你今晚使唔使返工呀？』又會話唔買玩具等我唔使開工。」令他覺得是時候停一停多陪囝囝，又計劃一家人去旅行。
文：影視組