藝人梁思浩主持有線靈異節目《怪談》長達十年共500集之多，但雙方十年交情卻因為「降頭」而鬧不快，一度弄至罷拍，思浩為履行演員道德而無奈演出，但存心理障礙。
思浩事後受訪表示明白靈異節目有一定危險性：「乜嘢我都可接受，但降頭我真係接受唔到，落人降頭，會犯業戒，我係佛家弟子！當時我好嬲，發晦氣同監製講：『我做埋呢輯我唔簽有線』，搞到好大件事，曾生（曾展章）由細睇到我大，畀我好大信心，先令我肯做！因為我一直都好好運，唔想被落降好似被開咗嗰扇門咁，好易中邪！」
