蔡思貝羅仲謙 奉旨談情

羅仲謙、蔡思貝、沈震軒、米雪和林夏薇等，昨晨到機場出發台灣拍無綫新劇《衝線》。早前《好報》踢爆思貝主動溝謙仔，雖然今次要朝夕相對三星期，但她依然無懼緋聞：「唔怕，都寫過啦！第二次應該冇新鮮嘢寫啩？去到就將新聞拋開一邊，繼續開心工作，開心拍攝。」她又指獲很多人主動安慰，包括緋聞男主角謙仔。她謂：「佢就懶係用大師兄口脗，即係懶係有經驗咁同我講，我就話得喇，多謝你教導，我唔會唔開心，咁就冇事喇。」

唔擔心楊怡呷醋

謙仔與思貝在台灣會有感情戲，問他擔不擔心再傳緋聞？他坦言「冇得驚」：「唔通同導演講可唔可以唔同佢做談情戲？做戲係做戲，演員就算出面有幾多新聞，都要尊重番自己職業。（同女友楊怡備案？）佢有可能唔知咩？」他笑言女友不會擔心，故毋須交代。對於有指他因女友而刻意迴避思貝，他反問：「如果唔避忌又話唔避忌，如果避忌又話避忌，咁你話避忌定唔避忌好？」又指與思貝有正常社交禮儀：「仲要係對手添，咁唔通唔同對手傾偈？唔同佢食飯？」

米雪（左起）、林夏薇、陳奐仁和羅仲謙隨大隊出發到台灣。

首次到台灣的林夏薇笑言心情興奮。

林夏薇預告濕身　

同劇的沈震軒表示雖然拍單車戲時曾跌斷手，但會盡力克服陰影。至於首次赴台的林夏薇透露將拍攝落水濕身場面。

文：影視組