黃浩然出院挺 「細佬」冇穿冇爛

黃浩然早前因患「貝賽特氏症」而入院兩星期，清減不少的他昨日精神奕奕地於法國醫院出院。問他是否完全康復？他說：「醫生檢查晒啲指數，我心、肝、脾、肺、腎都正常，不過身體弱咗，瘦咗十幾磅。」問他有否做運動？他表示不宜做劇烈運動，但笑稱接送囝囝上學絕對冇問題。

談到有指該病會使血管發炎，而病情嚴重時更可能導致性器官潰爛，黃浩然笑稱大家不用擔心：「之前八月去澳洲為無綫宣傳，口水都吞唔到，維持咗10日。口腔白晒，喉嚨腫晒，食極止痛消炎藥都冇用。（生殖器出問題？）大家都好關心呢樣嘢，慶幸心臟冇事，生殖器大家都唔使擔心！」

無綫送簽名慰問卡

而現場無綫派員向浩然送上簽名慰問卡，談到他辭演無綫劇集《張保仔》一事，他大感可惜：「我本身入院第二日就要為威吔戲開工，好可惜，有咁好機會。（身體緊要？）係，多謝劇組體諒。（損失工作？）冇諗過，祝福拍攝順利，因為（辭演）令佢哋好麻煩！（覆診？）要，胃仲發炎。我患病期間收到好多慰問短訊，太太亦好辛苦，畀人跟到飛起，又要湊仔！」而浩然出院後不忘於微博向大眾「報平安」，在感謝各界關心，更特意向對他照顧有加的太太及母親「示愛」。

文：影視組