張兆輝細女教阿哥咪搞出人命
「吾家子女初長成」都令身為父母的操心，張兆輝有一子一女，他指太太曾透過親戚試探得知14歲的兒子未有女友及沒有拍拖，夫婦倆向子灌輸拍拖冇問題，但要做負責任的人，勿隨便「搞出人命」，害人害己。
最搞笑的是早前一家人送兒子到英國開學，輝哥向兒子臨別贈錦囊，教子待人要謙虛、用心讀書等，未料10歲的細女突然義正詞嚴對哥哥說：「千祈唔好畀精子同卵子結合，因為有BB就要結婚，未ready好嘅嘢唔好做！」嚇得兩公婆O晒嘴，兒子則尷尬耷頭。輝哥雖然被女兒大膽言詞嚇親，但笑言就夠晒直接有用，希望兒子明白！
至於馬德鐘的兒子已16歲，他不擔心兒子早拍拖，但其子才十幾歲應以學業為先：「到佢上大學先好帶女友返嚟見家長。（向佢灌輸性知識？）佢知㗎嘞，學校有教，我都有同佢傾。」