朱潔儀患飛蚊症驚盲

前港姐朱潔儀、歌手鄭敬基及其緋聞女友瑪姬昨日出席慈善首飾活動，朱潔儀透露早前因雙眼疲勞過度導致飛蚊症：「醫生話飛蚊症會令視網膜穿窿，可能盲。我好驚，聽醫生話唔戴con，休息咗三個月，依家已經冇乜大礙。我之前驚到喊。（經歷呢件事，有冇令你想快啲搵人結婚？）要睇緣分。（有冇人乘機獻殷勤？）有，普通朋友都叫我休息吓、唔好擔心啦。」
朱潔儀現正籌備下月底於北京舉辦的畫展。
朱潔儀現正籌備下月底於北京舉辦的畫展。

而鄭敬基對無綫裁員一事，他為被裁的員工打氣：「依家喺大公司做嘢，都要多功能工作。其實嗰個並唔係完結，freelance先係自由嘅開始，可以重新創作自己嘅嘢。加油！」

鄭敬基則坦言未送過情侶首飾給瑪姬。
  • 鄭敬基則坦言未送過情侶首飾給瑪姬。