楊千嬅烈女收火 聽老公講道理
楊千嬅昨日以旗袍造型與紐約著名藝術家KAWS為海港城「KAWS:CLEAN SLATE•刷新展」主持開幕禮，問到兒子Torres可有藝術天分？千嬅稱兒子見到家中木地板的木紋形狀會說是鷹和鱷魚，指小朋友有時留意到大人未必注意的東西，同時認為發夢都是種智慧。
至於千嬅近日忙於新片開工，與林海峰（Jan）首度拍文藝片，問千嬅面對Jan會否忍不住笑？她謂：「唔係呀，佢個人好嚴肅，但仲未同佢有對手戲。（有親熱戲？）冇o架，戲入面係講我哋婚姻出問題，關係好差。」千嬅坦言現實生活中，和老公丁子高仍會爭吵：「普通嗌吓梗有，但唔會好似做戲嗌大交咁激烈，可能我過咗火爆年紀先結婚啦！」
冷靜處理爭執
千嬅又謂兩公婆喜歡有問題都攞出來講，她通常要老公講五個理由去支持他的論點，講得出就可以。千嬅稱只要兒子Torres在家，就不會大聲鬧交，會冷靜處理。另外提到內地女星張雨綺丈夫王全安涉嫌嫖妓玩3P被捕，千嬅一臉愕然：「嘩……咁激烈！但始終人哋家事唔方便評論，夫妻嘅嘢希望解決得到。」
文：音樂組