鍾楚紅隨心攝愛‧港‧情

大美人鍾楚紅早前接受朋友邀請，拍攝一輯以香港為主題的慈善相集，並分為「自然」和「城市」兩個主題。這趟拍攝時間相當緊迫，更極具挑戰性，要出動直升機俯瞰拍攝、穿梭大街小巷和屋村。她說對香港有着不能替代的愛，是一種親切的情意結：「我都去過好多不同地方，因為我都鍾意異國風情，第二度再好，呢度始終係我嘅家！」

知足常樂唔會悶

紅姑說喜拍攝美的景物，認為一花一草一樹一木都有它的美態，大自然生生不息，人相對是很渺小，所以生活簡單就好，她笑說：「我如果唔使做嘢，基本上唔會照鏡，我唔會保養，我對自己外表冇負擔，要做嘢時就節制一下，唔使做嘢又放縱番，生活就係咁樣，有時我又享受一個人做運動聽音樂，喺我生命裏面係冇『悶』呢個字，啲人成日覺得悶，係因為唔知足，知足就會覺得充實！」

生生不息的大自然在紅姑眼中充滿美態。	貫穿香港各區的天橋亦是紅姑的拍攝題材。	密麻麻的高樓大廈最能代表繁華的香港。

知足常樂的紅姑亦毫無架子，跟她聊天會感受到一份親切的愛，她甜笑說：「你唔去愛人，人哋都唔會愛你，我好肉麻o架，以前我日日同我先生講『我愛你』，我個人好直接，喜怒形於色，講唔到大話，鍾意就鍾意，唔鍾意就唔鍾意，（你都係咁樣拒絕追求者？）我其實唔係好多追求者，可能我個心唔喺呢樣嘢度，自然感受唔到。」

紅姑登上直升機俯瞰拍攝香港，極具挑戰性。

知足常樂的紅姑愛享受簡單的生活。

學習感恩尋幸福

充滿正能量，凡事樂觀的紅姑，坦言亡夫朱家鼎影響她很多：「佢好有修養，成日為人諗，我都要學習！」紅姑說她擁有很多，家人、朋友、工作、物質，她希望藉這個相展，帶出正面訊息給香港人，不論怎樣艱苦，也緊記要打開自己心扉，去看看外面的世界，她笑說：「人除咗皮膚要保養，心靈都要，幸福就喺身邊，只係你冇發覺，每件事都一定會有出路，所以大家要感恩，要加油！」從今天起，大家也試着學習與愛相隨！

採訪：Ada Lam

攝影：張福弘

服裝︰agnès b.

化妝︰Ricky Lau @ ZING the makeup school

髮型︰Jimmy Chan @ hair culture

場地︰agnès b. CAFÉ L.P.G.