安仔再燃視帝火 祥仔爭四度封王
踏入年尾，慶祝無綫生日的台慶劇已落實，分別由兩位前視帝郭晉安和黎耀祥主演的《老表，你好hea！》及《商戰》來拱照，重量級人馬上陣，除了賀台慶外，安仔和三奪視帝的祥仔所主演的劇集將有份角逐台慶頒獎禮，二人對視帝之位亦虎視眈眈，安仔更稱Dry了10年又再燃起心中一團火！
11月19日為無綫台慶，無綫嚴選了兩套台慶劇作賀壽，分別為時裝喜劇《老表，你好hea！》及家族、商場鬥爭題材的《商戰》。兩劇演員來頭不小，《老》的郭晉安曾兩度贏視帝，《商》的祥仔更奪過三次視帝，今次兩雄相遇，必有睇頭。
蕭正楠撐曹永廉
安仔將憑《老》劇角逐台慶頒獎禮視帝，而他演的《忠奸人》亦屬入圍之作，兩劇在手的安仔昨受訪時表示對攞獎有信心：「上次攞視帝至今已相隔近10年，的確燃起心中一團火，但獎項嘅嘢，始終公司有選舉制度，所以唔敢揣測。」
祥仔目前身在上海拍《梟雄》，他受訪時被問到可有信心憑《商戰》四奪視帝？他說：「一半一半啦，仲有其他對手，如《老表》嘅王祖藍同《忠奸人》嘅郭晉安。」
除了祥仔，《商戰》還有黃浩然、蕭正楠、曹永廉及陳國邦演出，女角則有胡定欣及新加入的陳凱琳、蔡思貝。據知此劇五位男角明年初會再合作開民初版。蕭正楠謂：「一班兄弟合作無間，好期待，拍攝時好辛苦，要瘦幾十磅練肌肉，又要同泰國拳手打拳，都受咗好多傷，希望套劇收視、口碑都好。」問蕭正楠有否信心奪男配角獎？他笑謂：「上年提名過，但今年有曹永廉，佢唔攞唔知幾時先有得攞，我今年全力支持佢，叫佢攞獎時記得多謝我呢個契哥！」
曹永廉早前在《寒山潛龍》的演出獲讚賞，有指他大有機會奪男配角獎，他受訪時謂：「唔敢諗咁多，（蕭正楠叫你多謝佢呢個契哥！）唔係好關佢事，不過到時記得咪搭句！」
文：影視組