祖兒打足底透bra會Cara

容祖兒於倫敦時間15日現身Burberry Prorsum假當地舉行的時裝騷，祖兒以白色半透視上衣透白bra配羽毛裙上陣，力抗同場穿西裝褸、真空打扮的粗眉名模Cara Delevingne以及超模姬摩絲（Kate Moss）、韓星張東健太太高素榮，同場還有大陸女星趙薇。完騷後，眾女星被邀入後台與創意兼行政總監Christopher Bailey見面及合照。

露底都唔失禮

祖兒透露今次是第二次到倫敦，但欣賞當地時裝周則屬首次，大感好玩，直言已帶備一個空的行李箱方便購物，她說：「媽咪睇穿我個心，係佢叫我帶個空篋嚟。」談到一身透視打扮，祖兒說是自己所挑選的春裝：「我襯得好配合呢度嘅天氣！我連bra都有配襯過，裏面打咗個靚底，就算露出嚟都唔失禮。」

名模Cara Delevingne（左）真空上陣，與超模姬摩絲孖住出現成為焦點！（Getty Images圖片）	張東健太太高素榮單拖現身。	祖兒在後台朝聖與Christopher合照。

讚姬摩絲好得

有指祖兒比Cara Delevingne及姬摩絲更性感，她聞言即大讚姬摩絲說：「好開心見到佢真人，姬摩絲身形好好，casual同elegant嘅造型都得，總之着乜都好睇。其實我鍾意時裝後，就好留意佢，成日上網搵佢嘅嘢，佢係我鍾意嘅模特兒，又係fashion icon。」祖兒以現場人太多雙方未能合照，感到無奈。

祖兒與趙薇（右）難得碰頭。

畢利谷巴坐頭排睇騷。（美聯社圖片）

祖兒在後台與Christopher Bailey見面閒談，她說：「我同佢講好鍾意喺時裝騷自彈自唱嘅James Bay，佢令個騷更有活力，時裝同音樂都好正。」又說之前方大同跟品牌合作，感覺很正，她揚言會跟品牌自薦合作，就算做義工也沒所謂！另外，荷里活男星畢利谷巴（Bradley Cooper）出席Tom Ford時裝騷，與安娜溫圖爾（Anna Wintour）坐頭排睇騷。