羅霖峰殺 徐子珊認輸
無綫花旦徐子珊與羅霖昨日「胸」降開幕活動，現年49歲的羅霖以三吋事業線，「峰」殺35歲的「微波」子珊，子珊笑言要向對方請教，又謂天生有幾多就幾多，不要投訴，否則媽咪會嬲。
徐子珊、羅霖及張慧儀等昨日以代言人身份出席美容品牌旗艦店開幕活動，同場還有徐穎堃。穿Deep V紅裙晒三吋事業線的羅霖，搶盡「峰」頭，「胸」壓以低胸裙露「微波」的子珊，連子珊也認輸：「唔好比啦，姐姐出名身材好，我天生有幾多得幾多，咪投訴喇，媽媽嬲o架，我都唔貪心，夠用就得。（學佢做機？）等我向佢參詳吓。」談到近日開始食素，問會否擔心胸部變細？她笑謂：「冇所謂啦，本來都唔大，唔會差太遠。」
笑有思鄉病
提到黃浩然患「貝賽特氏症」入院，子珊亦感到愕然：「希望佢冇事。（會失明？）會問吓佢咩情況，咁好嚴重，佢小朋友又咁細個，自己會注意健康，我都驚死。」傳胡杏兒有意離無綫往內地發展，問到可覺有更多機會？她笑道：「仲有好多人，我算得啲乜，只係冰山一角。（攞埋視后先走？）唔關事，如果十年後攞唔到都退休，老咗冇人要變甘草喇。」她直言有留意市場情況，但跟無綫還有一段時間才滿約，又盼更多同事願意留下，並笑稱有思鄉病怕在內地拍劇捱不住。
難接受小三
羅霖則坦言曾於下巴及雙頰做微創手術，對於張雨綺老公王全安涉嫖被捕，她表示難以接受有第三者，寧願對方隱瞞一世，並坦言召妓比有小三更難受：「召妓感覺好唔衞生，因為好大眾、個個都享用。我係基督徒，着重精神上嘅溝通，肉體上都需要，但唔使有特殊愛好。」她指兩人心靈上溝通更重要，不應貪圖肉體上的一時快感。另外，同場的Neway大少薛世恒否認與廖碧兒拍拖。
文：影視組