夏尉喻傷腳夠創意
周星馳新作《美人魚》前晚於深圳選秀，原定於13名候選者中選出4強參與電影，但星爺臨時加碼選出6位，結果香港代表松岡李那及許雅婷（Kabby）出線，蔚雨芯未能入圍。而碌晒地展示美人魚姿態的夏尉喻（Barbie）僅奪「大膽才藝獎」，她事後一拐一拐受訪，透露比賽期間因時間緊迫，於後台不慎仆倒弄傷右腳。
對於未能打入6強，Barbie坦言已滿意自己表現：「星爺電影最講創意，呢個獎都叫獨一無二，以後我除咗寸嘴同美貌，仲有創意。（有冇失望？）希望可以客串做幕後，跟星爺學嘢都好。」
松岡表示已盡全力，問會否第一時間向緋聞男友林德信報喜？她甜笑謂：「會傳短訊，好多朋友都有傳短訊叫我加油。」Kabby覺得自己勝在後生：「我驚自己演技令星爺唔滿意，所以呢排都會增值。」前晚星爺來去匆匆，沒受訪便離開。