吳卓羲爆缸見紅好兆頭
無綫劇集《梟雄》一眾演員昨日飛往上海拍攝外景，見吳卓羲右手「爆晒缸」到場，原來是被行李箱割傷，幸而傷勢並不嚴重，這次他受傷「見紅」可能是鴻運當頭的好兆頭。他又自爆未來會「劇駁劇」，原因是滿足媽咪要求：「阿媽嫌屋企細，叫我買大啲！」
無綫藝人吳卓羲（Ron）昨日聯同一班無綫劇集《梟雄》演員梁琤、關禮傑及韋家雄等齊齊出發到上海為劇集《梟雄》外景拍攝。Ron到機場時，見他右手手背流血，他表示因為被行李箱割傷，幸好並沒大礙。
之後Ron透露將馬不停蹄「劇駁劇」，先是在上海拍攝無綫劇集《梟雄》至11月初，之後就急急腳再到內地參與另一部愛情電視劇的演出「搵人仔」。不過Ron非常孝順，努力賺錢都是為了滿足媽媽的需求，他說：「阿媽嫌屋企細，叫我買間大啲！」他又坦言全因自己家中擺放了太多大型玩具，揚言要買一間二千六百呎左右大的房子，更笑謂：「你話做仔幾咁大壓力吖！」
梁琤迷戀秋生
Ron曾與影帝級人馬吳鎮宇合作《衝上雲霄》，今次在《梟雄》又與另一影帝黃秋生合作，他表示過程中獲益良多，問兩位影帝如何比較？他笑謂前者比較投入緊張，後者比較從容。
同場的藝人梁琤亦赴上海參與拍攝，不過她待至十月初已完成戲份，返港後會為另一套無綫劇《再戰明天》宣傳造勢。她又表示對黃秋生、黎耀祥及湯鎮業的演出非常着迷：「現場睇已經火花四射，個感覺真係好正，有時自己之前之後都會留喺廠睇佢哋拍戲！」
文：影視組