文凱玲勤護膚 影壇裸威
港姐出身的文凱玲（Connie）近期簽約王晶旗下，被讚似足袁詠儀及葉童兩位影后，並在新片中豁出去裸背兼「晒月」，效果令人噴血！不過Connie無懼被定型，自信可兼顧性感戲及打戲。工作量大增的她，日前忙裏偷閒做Spa，保養肌膚再衝刺。
擁有D Cup上圍及白滑長腿的女星文凱玲（Connie），近期被閱女無數的導演王晶羅致，做得「晶女郎」自然不乏晒身材機會。她在將上映的電影《唐伯虎之衝上雲霄》中演秋香，有多場濕身、裸背及露股戲，比起女主角陳靜（DaDa）更搶鏡，上位在望！
濕身裸露好合理
Connie自信是「史上最性感秋香」，因有多場香艷出浴戲，並笑言事前相當緊張：「經過晶哥細心解釋後，到真係拍時反而投入咗，而且沖涼要裸露好合理，都未係床戲，不過都有問准父母，以免佢哋睇到會嚇親。」對於成為新「晶女郎」，Connie坦言有壓力，幸獲晶哥大讚似影后袁詠儀（靚靚）及葉童的混合體，令Connie受寵若驚：「好欣賞兩位前輩，都係演技同外形兼備既影后，靚靚拍喜劇同喊戲都咁出色，葉童就好有性格同魅力，視佢哋為目標！」
埋影帝身鬥戲法
問到今次是否其性感極限？Connie表示要看觀眾反應，仍有空間「去盡啲」：「如果大家接受我性感，會再考慮。（露點？）作為演員會盡量配合，睇吓劇情有冇需要，聽公司安排。」Connie又指不怕被定型只sell性感，最近拍賀歲片《賭城風雲2》就封胸演國際刑警，還可拍住影帝周潤發及張家輝，機會難得！Connie最近忙裏偷閒狂做Spa，務求以最佳狀態殺出重圍。
Profile
文凱玲（Connie）
出生日期：1982年12月19日
身高：1米68
三圍：34D、24、35
簡歷：香港大學畢業，入行前是空姐，曾參選2010年港姐。最近簽約導演王晶，參演電影《唐伯虎之衝上雲霄》及《賭城風雲2》。
文：立
攝影：劉斌
化妝：Amy Gao
場地：Palaispa
泳衣：La Miu